జేఎన్ఎన్యూఆర్ఎం ఇళ్ల బాధితులు... రాచకొండ పోలీస్ కమిషనర్ మహేశ్ భగవత్ను ఆశ్రయించారు. 2006లో కేంద్ర ప్రభుత్వం జేఎన్ఎన్యూఆర్ఎం స్కీం కింద రంగారెడ్డి జిల్లా ఎల్బీనగర్ నియోజకవర్గంలో మీర్పేట్ నందనవనంలో 512 నివాస గృహాల నిర్మాణానికి అనుమతినిచ్చింది. 2016లో ఈ ఇళ్ల కోసం ఒక్కొక్క లబ్దిదారుడు రూ. 80,250 చెల్లించారు.
2020 అక్టోబర్లో లబ్దిదారులకు తాళాలను కూడా అందజేశారు. కానీ కొందరు స్థానికులు ఇళ్లను కబ్జా చేసి అక్కడికి వెళ్లిన వారిపై దౌర్జన్యానికి పాల్పడుతున్నారని లబ్దిదారులు ఆవేదన వ్యక్తం చేశారు. ఈ విషయంపై రంగారెడ్డి జిల్లా కలెక్టర్ను కలవగా కబ్జాదారులపై చర్యలు తీసుకోవాల్సిందిగా రాచకొండ కమిషనర్కు లేఖ రాసినప్పటికీ... ఇప్పటివరకు ఎలాంటి చర్యలు తీసుకోలేదని బాధితులు వాపోయారు. ఇప్పటికైనా రాచకొండ పోలీస్ కమిషనర్ చొరవ తీసుకొని కబ్జాదారుల నుంచి ఆ ఇళ్లకు విముక్తి కల్పించి... అసలైన లబ్దిదారులకు న్యాయం జరిగేలా చూడాలని కోరారు.
ఇదీ చదవండి: మొన్న కోళ్లు.. నిన్న కాకులు.. ఇవాళ కుక్కలు
