అమరుల జ్ఞాపకార్థం 'సర్కిల్​'లో రెండు నిమిషాల మౌనం

అమరవీరుల సంస్మరణ దినోత్సవం సందర్భంగా సరూర్​నగర్ సర్కిల్​ కార్యాలయంలో అధికారులు రెండు నిమిషాల పాటు మౌనం పాటించారు. అమరులను గౌరవించడంలో భాగంగా మౌనం పాటించినట్లు వారు తెలిపారు. ​

భారత అమరవీరుల సంస్మరణ దినోత్సవం సందర్భంగా స్వేచ్ఛా పోరాటంలో ప్రాణాలు అర్పించిన అమరుల జ్ఞాపకార్థం సరూర్‌నగర్‌ సర్కిల్‌ కార్యాలయంలో రెండు నిమిషాలు మౌనం పాటించారు. ప్రతి ఏడాది జనవరి 30న భారత దేశం అమరవీరుల దినోత్సవాన్ని షాహీద్‌ దివాస్​గా జరుపుకుంటోందని అధికారులు తెలిపారు. అమరులను గౌరవించడంలో భాగంగా రెండు నిమిషాలు మౌనం పాటించామని పేర్కొన్నారు. ఈ కార్యక్రమంలో డాక్టర్ మంజుల వాణి, డాక్టర్ జ్యోతి బాయి, కె. కవిత, ఇతర ఏఎన్‌ఎంలు, ఆస్పత్రి సూపరింటెండెంట్లు, పోలీసులు, ఇతర సిబ్బంది పాల్గొన్నారు.

అమరుల సంస్మరణలో పోలీసు సిబ్బంది

ఇదీ చదవండి: మహాత్మునికి ప్రముఖుల నివాళి...