రంగారెడ్డి జిల్లా జల్పల్లి పురపాలికలో వార్డు కౌన్సిలర్ ఉపఎన్నిక అభ్యర్థిని తెరాస నాయకులు ప్రకటించారు. తెరాస మున్సిపాలిటీ అధ్యక్షుడు ఇక్బాల్ బిన్ ఖలీఫా అధ్యక్షతన జరిగిన ఈ సమావేశంలో 28వ వార్డు అభ్యర్థిగా అఫ్సర్ సుల్తానాను ఎంపిక చేసినట్లు తెలిపారు. ఈ రోజు జల్పల్లి పురపాలిక పరిధిలోని కార్యకర్తలతో సమావేశంలో నిర్ణయం తీసుకున్నారు.
సబితా ఇంద్రారెడ్డి సూచనతో మద్దతుగా నిలిచిన నేతలకు, కార్యకర్తలకు అభ్యర్థి అఫ్సర్ సుల్తానా ధన్యవాదాలు తెలిపారు. ఈ కార్యక్రమంలో కౌన్సిలర్లు షంషుద్దీన్, మజర్, తెరాస నేతలు, కార్యకర్తలు పాల్గొన్నారు.
