అంబులెన్స్​ను ఢీకొన్న ఆటో... చిన్నారి మృతి

తమ కలల సౌధం కుప్పకూలింది. నవమాసాలు మోసిన తల్లికి శోకమే మిగిలింది. అల్లారుముద్దుగా పెంచుకున్న చిట్టి తల్లిని మృత్యువు రోడ్డు ప్రమాదం రూపంలో కబళించిన ఘటన రంగారెడ్డి జిల్లా అబ్దుల్లాపూర్​మెట్​లో జరిగింది.

నల్గొండ జిల్లా దామచర్ల మండలం రాజగుట్టకు చెందిన గుంటి భాస్కర్​ రెండో కుమార్తె 11 నెలల దీక్ష మూడు రోజులుగా జ్వరం, జలుబుతో బాధపడుతోంది. మెరుగైన వైద్యం కోసం పాపను అంబులెన్సులో హైదరాబాద్​కు తీసుకెళ్తున్నారు. రంగారెడ్డి జిల్లా అబ్దుల్లాపూర్​మెట్​ వద్ద వారు ప్రయాణిస్తున్న అంబులెన్సును ఆటో ఢీకొట్టింది. తీవ్రంగా గాయపడిన దీక్ష ప్రమాదస్థలిలోనే మృతి చెందింది. కేసు నమోదు చేసుకున్న పోలీసులు విచారణ జరుపుతున్నారు.

ఇవీ చూడండి: గవర్నర్​ తేనీటి విందుకు హాజరైన పలువురు ప్రముఖులు..