National Lok Adalat: ఈ నెల 12 న నిర్వహించే జాతీయ లోక్ అదాలత్ను కక్షిదారులు సద్వినియోగం చేసుకోవాలని రంగారెడ్డి జిల్లా ప్రధాన న్యాయమూర్తి ఆర్. తిరుపతి సూచించారు. ఈమేరకు జిల్లా కోర్టు ఆవరణలోని న్యాయ సేవా సదన్లో ఆయన విలేకరుల సమావేశం నిర్వహించారు.
సామరస్యంగా పరిష్కరించుకోదగ్గ కేసులను లోక్అదాలత్లో పరిష్కరించుకోవాలని ప్రధాన న్యాయమూర్తి సూచించారు. రాజీకి ఆమోదయోగ్యమైన క్రిమినల్, సివిల్, వివాహ, కుటుంబ తగాదా కేసులు, రోడ్డు ప్రమాదం, చిట్ ఫండ్, ఎలక్ట్రిసిటీ, డ్రంక్ అండ్ డ్రైవ్, ట్రాఫిక్ కేసులు సహా ఇతర కేసుల పరిష్కారానికి లోక్ అదాలత్ మంచి వేదిక అని తెలిపారు. ఏళ్ల తరబడి కోర్టుల చుట్టూ తిరగకుండా ఉండాలంటే రాజీ మార్గం ముఖ్యమని అభిప్రాయపడ్డారు. ఈ అవకాశాన్ని అందరూ సద్వినియోగం చేసుకోవాల్సిందిగా కోరారు.
"ఫిబ్రవరి 14 నుంచి ఇప్పటివరకు జిల్లాలో 9,574 కేసులను పరిష్కరించాం. చాలా మంది ఉత్సాహంగా లోక్ అదాలత్లో కేసుల పరిష్కారానికి వస్తున్నారు. కరోనా సంబంధిత కేసుల్లోనూ పెనాల్టీని తగ్గించాం. ఆన్లైన్లోనూ జరిమానాలు కట్టి.. కేసుల నుంచి విముక్తి పొందుతున్నారు. ఇలాగే కక్షిదారులు ముందుకొచ్చి రాజీ కుదుర్చుకోవాలని ఆశిస్తున్నాం. ఈ నెల 12న నిర్వహించే జాతీయ లోక్ అదాలత్ను సద్వినియోగం చేసుకోవాలి." -ఆర్.తిరుపతి, రంగారెడ్డి జిల్లా జడ్జి
ఇదీ చదవండి: రక్తపోటు.. మధుమేహ కాటు.. ప్రమాదకరంగా జీవనశైలి వ్యాధులు
