జంతు కళేబరాల పరిశ్రమలపై జల్పల్లి పురపాలక కమిషనర్ జీపీ కుమార్ ఉక్కుపాదం మోపారు. సరైన అనుమతులు, ప్రమాణాలు పాటించకుండా నడుస్తున్న పరిశ్రమలపై దాడులు నిర్వహించారు. స్థానిక షాజహాన్ కాలనీలో ఎలాంటి అనుమతులు లేకుండా పరిశ్రమలు నడుపుతున్నట్లు గుర్తించారు.
ఈ దాడుల్లో విస్తుపోయే నిజాలు వెలుగుచూశాయి. పశువుల అవయవాలను ఎండబెట్టి, కోల్డ్ స్టోరేజ్లో నిల్వ చేస్తున్నారు. మాంసపు నిల్వలపై ప్యాకింగ్ తేదీలు నెల ముందుగానే ముద్రించి ప్రజల జీవితాలతో చెలగాటమాడుతున్నారు. తనిఖీల్లో సరైన ప్రమాణాలు పాటించని ఐదు గోడౌన్లపై చర్యలు తీసుకున్నట్లు కమిషనర్ వెల్లడించారు.
