రాజేంద్రనగర్​ సెగ్మెంట్​కు ఈవీఎంలు పంపిణీ

చేవేళ్ల పార్లమెంట్​ స్థానంలోని రాజేంద్రనగర్​ సెగ్మెంట్​లో ఉన్న 545 పోలింగ్​ కేంద్రాలకు ఈవీఎంలు పంపిణీ చేశారు. యంత్రాలు పనిచేయనపుడు ఇంజినీర్లు అందుబాటులో ఉంటారని.. ప్రతి పోలింగ్​ కేంద్రానికి మూడు అదనపు యంత్రాలను సిద్ధంగా ఉంచామని చేవెళ్ల ఆర్డీవో చంద్రకళ వివరించారు.

రేపు జరగనున్న పార్లమెంట్‌ ఎన్నికల పోలింగ్‌ కోసం అధికారులు సర్వం సిద్ధం చేశారు. చేవెళ్ల లోక్​సభ స్థానంలోని రాజేంద్రనగర్​ అసెంబ్లీ నియోజకవర్గం పరిధిలో ఉన్న 545 కేంద్రాలకు ఈవీఎం యంత్రాలను పంపించినట్లు ఆర్డీవో చంద్రకళ తెలిపారు. ఎక్కడైనా ఈవీఎంలు మొరాయిస్తే ఇంజినీర్లు అందుబాటులో ఉన్నారని.. ప్రతి పోలింగ్​ స్టేషన్​కు అదనంగా మూడు యంత్రాలను సిద్ధంగా ఉంచామన్నారు. ఎన్నికలు ముగిసిన తర్వాత పాలమాకుల గిరిజిన కళాశాలలో ఈవీఎంలను భద్రపరుస్తామని చంద్రకళ వెల్లడించారు.

ఎన్నికల కేంద్రాలకు తరలిస్తున్న ఈవీఎంల వెంట ఎస్సై, ఏఎస్సై స్థాయి పోలీసులను భద్రత కోసం నియమించామని రాజేంద్రనగర్​ ఏసీపీ అశోక్​ చక్రవర్తి పేర్కొన్నారు. ఎలాంటి అవాంఛనీయ సంఘటనలు జరగకుండా పటిష్ఠ బందోబస్తు ఏర్పాటు చేశామన్నారు.

ఇవీ చూడండి: రేపు చింతమడకలో ఓటు వేయనున్న కేసీఆర్​