ఇబ్రహీంపట్నంలో మద్యం కోసం బారులు తీరిన ప్రజలు

రాష్ట్ర ప్రభుత్వం లాక్​డౌన్ ప్రకటించడం వల్ల మద్యం దుకాణాలకు ప్రజలు పోటెత్తుతున్నారు. ఇబ్రహీంపట్నంలో మద్యం కోసం మందుబాబులు బారులు తీరారు. దుకాణదారులు, కొనుగోలుదారులు తప్పనిసరిగా నిబంధనలు పాటించాలని పలువురు హెచ్చరించారు.

రేపటి నుంచి రాష్ట్రంలో లాక్​డౌన్ ప్రకటించడం వల్ల మద్యం దుకాణాల వద్ద మందుబాబులు బారులు తీరారు. రంగారెడ్డి జిల్లా ఇబ్రహీంపట్నంలోని ఓ దుకాణం వద్దకు భారీగా వచ్చిన ప్రజలు.. కరోనా నిబంధనలను గాలికొదిలేశారు.

మందుబాబులు మొదట్లో ఎలాంటి భౌతిక దూరం పాటించకుండా మద్యం కోసం ఎగబడ్డారు. స్థానిక పోలీసులు అక్కడికి చేరుకోగానే.. క్యూలో నిలబడి, దూరం పాటిస్తూ మద్యం తీసుకుంటున్నారు.

ఇదీ చూడండి: మద్యం దుకాణాలు ఉదయం 10లోపు తెరిచే అవకాశం లేదు: ఆబ్కారీశాఖ