కరోనా నిబంధనలు పాటిస్తూ పండుగలు జరుపుకోవాలని రెవెన్యూ అధికారులు విజ్ఞప్తి చేశారు. కొవిడ్ కేసులు పెరుగుతున్నందున ప్రతి ఒక్కరూ జాగ్రత్తలు తీసుకోవాలని సూచించారు. రంగారెడ్డి జిల్లా జల్పల్లి మున్సిపాలిటీ ఎర్రకుంటలో రెవెన్యూ, పోలీస్, మున్సిపల్ అధికారులు, ప్రజా ప్రజానిధులు సమావేశం నిర్వహించారు.
కరోనా కేసులు పెరుగుతున్నందు వల్ల ర్యాలీలు, సమావేశాలు నిర్వహించరాదని స్పష్టం చేశారు. ప్రతి ఒక్కరూ మాస్కు, శానిటైజర్ వాడుతూ.. భౌతిక దూరం తప్పకుండా పాటించాలని కోరారు. ఈ కార్యక్రమంలో మున్సిపల్ కమిషనర్, బాలాపూర్ డిప్యూటీ తహసీల్దార్, పహడి షరీఫ్ పోలీస్ అధికారులు, ప్రజా ప్రతినిధులు పాల్గొన్నారు.
