రంగారెడ్డి జిల్లా కడ్తాల్ మండలం ముద్విన్లో లేగదూడపై చిరుత దాడి చేసింది. కొర్షకొండ తండా శివారులో రైతు రాజుకు చెందిన దూడను చంపింది. ఇప్పటివరకూ 16 పశువులను చిరుత హతమార్చినట్లు గ్రామస్థులు తెలిపారు. కడ్తాల్, యాచారం, కందుకూరు మండలాల్లో 3 నెలలుగా చిరుత పులి సంచరిస్తున్నా అటవీ అధికారులు బంధించడం లేదని ఆగ్రహం వ్యక్తం చేశారు. చుట్టుపక్కల గ్రామాల్లో ప్రజలు భయాందోళనలతో కాలం వెళ్లదీస్తున్నారు.
లేగదూడపై చిరుత దాడి
బోనులు ఏర్పాటు
చిరుత సంచరిస్తున్న మండలాల్లో బోనులు ఏర్పాటు చేశామని అధికారులు తెలిపారు. రెస్క్యూ ఆపరేషన్కు అనుమతి లభించిందని అటవీ శాఖ రేంజ్ అధికారి సత్యనారాయణ పేర్కొన్నారు. త్వరలోనే పులిని పట్టుకుంటామన్నారు.
ఇదీ చూడండి : మద్యం మత్తులో కానిస్టేబుల్ వీరంగం
