'విద్యార్థులను ఉద్యోగస్థులుగా తీర్చిదిద్దాలనే సంకల్పంతో'

నిరుద్యోగ విద్యార్థులను ప్రభుత్వ ఉద్యోగస్థులుగా తీర్చిదిద్దాలనే సంకల్పంతోనే ఉచిత శిక్షణా కేంద్రాన్ని ఏర్పాటు చేసినట్లు... జాతీయ బీసీ కమిషన్​ సభ్యుడు తల్లోజు ఆచారి తెలిపారు. రంగారెడ్డి జిల్లా ఆమనగల్​లోని అయ్యప్ప కొండపై పుల్వామా ఉగ్రదాడిలో అమరులైన జవాన్లకు నివాళులు అర్పించారు. అనంతరం ఆయన సహకారంతో నిర్వహిస్తున్న ఉచిత శిక్షణ కేంద్రాన్ని ప్రారంభించారు.

చాలా మంది నిరుపేద నిరుద్యోగులకు ఉద్యోగాల కోసం హైదరాబాద్​లోని శిక్షణా కేంద్రాల్లో చేరేందుకు ఆర్థిక స్తోమత లేదని... జాతీయ బీసీ కమిషన్​ సభ్యుడు తల్లోజు ఆచారి అన్నారు. అలాంటి వారికి భోజన సౌకర్యంతో పాటు శిక్షణను అందించాలనే ఉద్దేశంతోనే ఉచిత శిక్షణ కేంద్రాన్ని ఏర్పాటు చేసినట్లు ఆయన తెలిపారు. రంగారెడ్డి జిల్లా ఆమనగల్​లోని అయ్యప్ప కొండపై పుల్వామా ఉగ్రదాడిలో అమరులైన జవాన్లకు నివాళులు అర్పించారు.

అమర జవాన్లకు నివాళులర్పించిన జాతీయ బీసీ కమిషన్​ సభ్యుడు తల్లోజు ఆచారి

సద్వినియోగం చేసుకోవాలి...

అనంతరం ఆయన సహకారంతో నిర్వహిస్తున్న ఉచిత శిక్షణ కేంద్రాన్ని జాతీయ ఎస్సీ కమిషన్​ మాజీ సభ్యుడు రాములుతో కలిసి ఆచారి ప్రారంభించారు. కల్వకుర్తి నియోజకవర్గంలోని నిరుద్యోగ అభ్యర్థులందరూ ఈ అవకాశాన్ని సద్వినియోగం చేసుకోవాలని అన్నారు. శిక్షణకు వచ్చే వారికి రవాణా సౌకర్యం అందిస్తామని పేర్కొన్నారు.

అంబేడ్కర్​ స్ఫూర్తితో...

విద్యార్థులు అంకిత భావంతో ఉద్యోగాల కోసం ప్రయత్నించాలని... జాతీయ బీసీ కమిషన్ మాజీ​ సభ్యుడు రాములు తెలిపారు. రాజ్యాంత నిర్మాత అంబెడ్కర్ అంటరాని తనాన్ని అధిగమించి విదేశాల్లో ఉన్నత విద్యను అభ్యసించారని గుర్తుచేశారు. రాజ్యాంగాన్ని రచించి అందరి జీవితాల్లో వెలుగు నింపిన ఆయనను ఆదర్శంగా తీసుకుని ఉద్యోగాల కోసం ప్రయత్నించాలని అన్నారు.

ఇదీ చదవండి: సవాళ్లు, ప్రతి సవాళ్లతో వేడెక్కిన నాగార్జునసాగర్​