అమీన్​పూర్​ ఘటనపై హైపవర్​ కమిటీ ఏర్పాటు

అమీన్​పూర్​లో ఓ పాపపై జరిగిన ఘటనపై చర్యలు తీసుకున్నామని మహిళాభివృద్ది శిశు సంక్షేమశాఖ కమిషనర్ దివ్య తెలిపారు. వెంటనే వారిపై కేసులు నమోదు చేసి ప్రధాన నిందితుడిని అరెస్టు చేశామన్నారు. అక్కడ ఉన్న మిగతా పిల్లలని ప్రభుత్వ హోమ్​కు తరలించే ఏర్పాట్లు చేస్తున్నట్లు చెప్పారు. ఇప్పటికే హైపవర్​ కమిటీ ఏర్పాటు చేశామని.. ఈనెల 20లోగా నివేదిక ఇవ్వనున్నారని పేర్కొన్నారు.

అమీన్​పూర్ మారుతి హోమ్​ అనుమతిని రద్దు చేశామని మహిళాభివృద్ది శిశు సంక్షేమ శాఖ కమిషనర్ దివ్య తెలిపారు. అందులో ఉన్న పిల్లలను ప్రభుత్వ హోమ్​లకు తీసుకొచ్చేందుకు ఏర్పాట్లు చేశామన్నారు. రాష్ట్ర వ్యాప్తంగా ఉన్న అన్ని ప్రైవేట్ హోమ్​లపై ప్రత్యేకంగా దృష్టి సారిస్తామని ఆమె చెప్పారు.

జిల్లా పర్యవేక్షణ కమిటీ తరచూ సందర్శించి ప్రైవేట్ హోమ్​లను పర్యవేక్షిస్తున్నారని అన్నారు. ఇలాంటి ఘటనలు చోటుచేసుకోవడం దురదృష్టకరమన్నారు. ఘటనలో ఇప్పటికే మూడు కేసులు నమోదయ్యాయని, ఓ హై పవర్ కమిటీ ఏర్పాటు చేశామన్నారు. విచారణ చేసి ఈనెల 20లోపు నివేదిక ఇవ్వాలని సూచించినట్లు కమిషనర్ తెలిపారు. బాలిక పొస్ట్​మార్టం రిపోర్ట్ వస్తే.. మృతికి గల కారణాలు పూర్తిగా తెలుస్తాయన్నారు. రాష్ట్ర వ్యాప్తంగా 429 ప్రైవేట్ హోమ్స్​లో 13 వేల మందికి పైగా పిల్లలున్నారని, ప్రతి ఒక్కరి సంరక్షణ విషయంలో జాగ్రత్త వహిస్తామని ఆమె వివరించారు.

ఇదీ చూడండి : ఎస్సారెస్పీ కాలువకు గండి... యుద్ధప్రాతిపదికన మరమ్మతులు