హైదరాబాద్ నగర శివార్లలో డీఆర్‌ఐ అధికారులు భారీ మొత్తంలో గంజాయి స్వాధీనం చేసుకున్నారు. సుమారు రూ.2కోట్ల విలువైన 1,334 కిలోల గంజాయిని పెద్ద అంబర్‌పేట వద్ద స్వాధీనం చేసుకున్నట్లు అధికారులు వెల్లడించారు. ఇద్దరిని అదుపులోకి తీసుకున్నారు. భద్రాచలం నుంచి బీదర్‌కు గంజాయిని తరలిస్తున్నట్లు తమ దర్యాప్తులో వెల్లడైందని పేర్కొన్నారు.
భద్రాచలం నుంచి వస్తున్న లారీలో గంజాయిని తరలిస్తున్నట్లు అందిన సమాచారంతో తనిఖీ చేయగా గంజాయి బయటపడినట్లు అధికారులు వివరించారు. వరి పొట్టు మధ్యలో గంజాయి ప్యాకెట్లు పెట్టుకుని తీసుకువస్తున్నారని చెప్పారు.
