రాజన్న సిరిసిల్ల జిల్లా వేములవాడ మండలంలో దొంగలు గురువారం రాత్రి బీభత్సం సృష్టించారు. మండలంలోని చింతల్ తానా, అనుపురం, శభాష్ పల్లి ఆర్ అండ్ ఆర్ గ్రామాల్లో పలుచోట్ల దొంగతనానికి పాల్పడ్డారు. కోళ్ల ఫారంలోని కోళ్లతో పాటు ఓ గొర్రెల మందలోని 30 గొర్రెలను ఎత్తుకెళ్లారు.
శభాష్ పల్లి ఆర్ అండ్ ఆర్ కాలనీలోని కేడీసీసీ బ్యాంకులో దొంగతనం చేసేందుకు యత్నించారు. బ్యాంక్ తాళాలు పగులగొట్టి లోనికి వెళ్లేందుకు ప్రయత్నించారు. వేములవాడ సీఐ వెంకటేష్ ఆధ్వర్యంలో ఘటనా స్థలంలో క్లూస్ టీంతో పరిశీలించి కేసు నమోదు చేసి దర్యాప్తు చేస్తున్నారు.
ఇదీ చదవండి: ఎమ్మెల్యేలు, ఎమ్మెల్సీలందరికీ కరోనా పరీక్షలు..!
