'రాజన్న ఆలయంలోకి భక్తులకు అనుమతి లేదు'

ప్రముఖ పుణ్యక్షేత్రం వేములవాడ రాజన్న దేవాలయంలో ఈ నెల 18 నుంచి 22 వరకు.. భక్తులకు అనుమతి లేదని ఆలయ అధికారులు తెలిపారు. కరోనా మహమ్మారి వ్యాప్తి నేపథ్యంలో నిర్ణయం తీసుకున్నట్లు పేర్కొన్నారు. భక్తులు పరోక్షంగా ఆన్​లైన్​ ద్వారా మొక్కుబడి పూజలు సమర్పించుకునేందుకు సదుపాయం కల్పించనున్నామని వెల్లడించారు.

రాష్ట్రంలో కరోనా వ్యాప్తి నివారణలో భాగంగా రాజన్న సిరిసిల్ల జిల్లాలోని ప్రముఖ పుణ్యక్షేత్రం వేములవాడ రాజరాజేశ్వర ఆలయంలోకి భక్తులకు అనుమతి లేదని ఆలయ అధికారులు వెల్లడించారు. దేవాలయంలో ఈ నెల 18 నుంచి 22 వరకు... ఐదు రోజుల పాటు భక్తుల దర్శనం, కోడె మొక్కులు, ఇతర అన్ని రకాల మొక్కుబడి పూజలు రద్దు చేస్తున్నట్లు తెలిపారు.

ఈ నెల 21న రాజన్న సన్నిధిలో జరగనున్న సీతారాముల కళ్యాణం, స్వామివారి నిత్య పూజలు, రథోత్సవం రద్దు చేస్తున్నట్లు అధికారులు పేర్కొన్నారు. భక్తులు పరోక్షంగా ఆన్​లైన్​ ద్వారా మొక్కుబడి పూజలు సమర్పించుకునే సదుపాయం కల్పించనున్నట్లు తెలిపారు. భక్తులు తెలంగాణ మీ సేవ లేదా టీ యాప్ ఫోలియో ద్వారా మొక్కుబడి రుసుము చెల్లిస్తే... వారి తరుఫున పరోక్షంలో పూజలు జరిపించనున్నట్లు వివరించారు.

ఇదీ చదవండి: ఓటుకు నోటు కేసు విచారణ వాయిదా