కాంగ్రెస్ ఆధ్వర్యంలో ఈ నెల 13న నిర్వహించే జలదీక్షకు పోలీసులు అనుమతించాలని పీసీసీ కార్యనిర్వాహక అధ్యక్షుడు పొన్నం ప్రభాకర్ కోరారు. కేసీఆర్, కేటీఆర్ అసమర్థత వల్ల ఎగువ మానేరు పనుల్లో తీవ్ర జాప్యం జరుగుతోందని ఆయన విమర్శించారు. కాళేశ్వరం ప్రాజెక్టులో భాగంగా పదో ప్యాకేజీలోని రంగనాయక్ సాగర్, కొండపోచమ్మ, మల్లన్నసాగర్ పనులు పూర్తయినప్పటికీ... రాజన్న సిరిసిల్ల జిల్లాలో 9వ ప్యాకేజీ ఎందుకు పూర్తి చేయలేదని కేటీఆర్ను ప్రశ్నించారు.
కేటీఆర్కు ఫాంహౌజ్ లేనప్పుడు స్టే ఎందుకు తెచ్చుకోవాల్సిన అవసరం ఏముందన్నారు. ఇప్పటికైనా ఫాంహౌజ్తో సంబంధం లేకుంటే విచారణకు సహకరించాలని పొన్నం డిమాండ్ చేశారు. ఉమ్మడి కరీంనగర్ జిల్లాలో జరుగుతున్న అన్యాయాల గురించి... భాజపా రాష్ట్ర అధ్యక్షుడు బండి సంజయ్ స్పందించడం లేదని విమర్శించారు. ఎగువ మానేరు ప్రాజెక్టు సందర్శన కార్యక్రమాన్ని ఈ ప్రాంత ప్రజలు, రైతులు పెద్ద సంఖ్యలో హాజరై విజయవంతం చేయాలని ఆయన కోరారు.
ఇదీ చూడండి: కూలీ పని చేసుకుంటున్న డిప్యూటీ ఎమ్మార్వో
