సంపులో పడి చిన్నారి మృతి

నాలుగేళ్ల చిన్నారి సంపులో పడి మృతి చెందింది. రాజన్న సిరిసిల్ల జిల్లా సిరిసిల్లలోని శాంతి నగర్​లో ఈ విషాదం చోటుచేసుకుంది.

రాజన్న సిరిసిల్ల జిల్లా సిరిసిల్ల పట్టణంలోని శాంతి నగర్​లో ఓ చిన్నారి ప్రమాదవశాత్తు సంపులో పడి మృతి చెందింది. చేనేత కుటుంబానికి చెందిన మ్యాన సతీష్ - అనూష దంపతులకు ముగ్గురు కూతుళ్లు ఉన్నారు. నిన్న సాయంత్రం రెండో కూతురు శ్రీనిధి (4) ఇంటి ముందు ఆడుకుంటోంది. కొద్దిసేపటి తర్వాత కనిపించకపోయే సరికి వారి తల్లిదండ్రులు వెతకగా... సంపులో పడి మరణించినట్లు తల్లిదండ్రులు తెలిపారు. అల్లారుముద్దుగా పెంచుకున్న ఆ బాలిక మృతి చెందడం వల్ల కుటుంబ సభ్యులు రోదిస్తున్నారు.

ఇదీచూడండి:ఆడుకుంటుండగా కాలువలో పడి గల్లంతు