విదేశాల్లో కొత్తగా అలజడి సృష్టిస్తున్న కరోనా వైరస్ అంత ప్రమాదకరమైనదేమి కాదని రాజన్న సిరిసిల్ల జిల్లా ప్రధాన ఆసుపత్రి సూపరింటిండెంట్ మురళీధర్ రావు వెల్లడించారు. మన దగ్గర వైరస్ ఎలాంటి ప్రభావం చూపదని.. ఏమైనా లక్షణాలు కనిపిస్తే వెంటనే వైద్య పరీక్షలు చేయించుకోవాలని సూచించారు.
చలికాలంలో చిన్నపిల్లలకు దగ్గు, జలుబు వస్తే పెద్దగా భయపడాల్సిన అవసరం లేదని తెలిపారు. మూడు రోజులపాటు పరిస్థితి అలాగే ఉంటే వెంటనే ఆస్పత్రికి వెళ్లి పరీక్షలు చేయించుకొని తగిన మందులు వాడాలని సూచించారు. చిన్నపిల్లలకు సంబంధించిన కరోనా పరీక్షలు, మందులు అందుబాటులో ఉన్నాయని ఆయన స్పష్టం చేశారు.
