'మా భూములిచ్చాం.. మీరు ఉద్యోగాలివ్వండి'

పెద్దపల్లి జిల్లా రామగుండంలోని ఆర్​ఎఫ్​సీఎల్​ ఎరువుల కర్మాగారం ఎదుట సమీప గ్రామ ప్రజలు ధర్నా చేపట్టారు. పరిశ్రమ నిర్మాణంలో భూములు కోల్పోయిన తమకు ఉద్యోగాలు కల్పించాలని యాజమాన్యాన్ని డిమాండ్​ చేశారు.

పెద్దపల్లి జిల్లా రామగుండంలోని ఎరువుల కర్మాగారం నిర్మాణంలో భూములు కోల్పోయిన నిర్వాసితులకు ఉద్యోగాలు కల్పించాలని సమీప లక్ష్మీపురం, వీర్లపల్లి గ్రామాల నిర్వాసితులు కర్మాగారం ఎదుట ధర్నా నిర్వహించారు. రామగుండం ఆర్ఎఫ్​సీఎల్ ఎరువుల కర్మాగారం.. అవసరాల నిమిత్తం 1991లో లక్ష్మీపురం గ్రామానికి చెందిన సుమారు రెండు వందల ఎకరాల భూమిని తీసుకుందని.. ఆ సమయంలో నిర్వాసితులకు ఉద్యోగాలు కల్పిస్తామని హామీ ఇచ్చారని బాధితులు చెప్తున్నారు. ఆ తర్వాత కొద్ది కాలానికి ఎరువుల కర్మాగారం మూత పడిందని తిరిగి ఆర్ఎఫ్​సీఎల్ పేరుతో ఇప్పుడు నిర్మాణం జరుగుతున్న క్రమంలో కనీసం తమకు ఉపాధి అవకాశాలు కల్పించాలని సమీప గ్రామాల భూ నిర్వాసితుల కుటుంబాల ప్రజలు వాపోతున్నారు. ఇప్పటికైనా ఎరువుల కర్మాగారంలో ఉద్యోగ అవకాశాలు కల్పించాలని యాజమాన్యాన్ని డిమాండ్ చేశారు.

ఇదీ చూడండి: మద్దతు ధరల జాబితాలో పసుపును చేర్చాలి