పెద్దపల్లి జిల్లా మంథని మండలం దుబ్బపల్లిలో.. రోజు రోజుకు పెరుగుతోన్న కొవిడ్ కేసులతో ప్రజలు భయాందోళనకు గురవుతున్నారు. వైరస్ కట్టడి చర్యల్లో భాగంగా గ్రామంలో స్వచ్ఛందంగా లాక్ డౌన్ ప్రకటించుకున్నారు. ప్రజల సంక్షేమం దృష్ట్యా..10 రోజుల పాటు లాక్ డౌన్ నిర్ణయం తీసుకున్నట్లు సర్పంచ్ నరేశ్రావు తెలిపారు. ఉదయం 6 గంటల నుంచి 11 గంటల వరకు మాత్రమే దుకాణాలు తెరుచుకుని ఉంటాయన్నారు.
పంచాయతీ తీర్మానాన్ని ఉల్లంఘిస్తే రూ.1000 జరిమానా విధిస్తామని సర్పంచ్ హెచ్చరించారు. గ్రామంలోకి బయటివారు ప్రవేశించకుండా ముళ్ల కంచె ఏర్పాటు చేశారు. ప్రతి ఒక్కరూ నిబంధనలు పాటించాలని ఆయన విజ్ఞప్తి చేశారు.
ఇదీ చదవండి: రెండు చుక్కల నిమ్మరసంతో కరోనా ఖతం
