రాష్ట్ర ముఖ్యమంత్రి కేసీఆర్ పట్ల తన కళతో అభిమానాన్ని చాటుకున్నాడు ఓ కళాకారుడు. పెద్దపల్లి జిల్లా కుక్కలగూడూరు గ్రామానికి చెందిన సైకతశిల్పి రేవెళ్లి శంకర్... ఇసుకతో కేసీఆర్ బొమ్మను తీర్చిదిద్దాడు. కేసీఆర్ పుట్టినరోజు సందర్భంగా అందరూ కోటి వృక్షార్చన చేస్తుంటే... శంకర్ మాత్రం తనకున్న కళతోనే ప్రత్యేకతను ప్రదర్శించాడు.
5 బస్తాల తడి ఇసుకతో కేవలం 5 గంటల్లోనే కేసీఆర్ బొమ్మను తీర్చిదిద్దాడు. ఇప్పటి వరకు దాదాపు 100 సైకత శిల్పాలను రూపొందించానని... ఈసారి మాత్రం తన అభిమాన నాయకుడి శిల్పాన్ని తీర్చిదిద్దడం ఎంతో సంతృప్తికరంగా ఉందని శంకర్ తెలిపాడు.
ఇదీ చూడండి: సీఎం కేసీఆర్కు జన్మదిన శుభాకాంక్షల వెల్లువ
