పెద్దపల్లిలో భాజపా అభ్యర్థి కుమార్​ ప్రచారం

తెలంగాణలో రాజకీయ పార్టీల ప్రచారం జోరందుకున్నది. పెద్దపల్లిలో భాజపా ఎంపీ అభ్యర్థి ఎస్​ కుమార్​ ఎన్నికల ప్రచారం నిర్వహించారు. సింగరేణి బిడ్డనైన తనను గెలిపించాలని విజ్ఞప్తి చేశారు.

పెద్దపల్లి జిల్లా రామగుండం పరిధిలోని గోదావరి ఖని ఒకటో బొగ్గుగని వద్ద భాజపా ఎంపీ అభ్యర్థి ఎస్​ కుమార్​ ప్రచారం నిర్వహించారు. కార్యక్రమంలో భాజపా నాయకులు, కార్యకర్తలు పాల్గొన్నారు. సింగరేణి కార్మికులు భాజపాకు ఓటేసి తనను గెలిపించాలని కుమార్​ విజ్ఞప్తి చేశారు. ప్రతి ఒక్కరినీ పేరు పేరునా పలికరించి ఓట్లను అభ్యర్థించారు. తన తండ్రి కూడా బొగ్గుగని కార్మికుడిగా పని చేశాడని గుర్తు చేశారు.

సమస్యలు పరిష్కరిస్తా..

పెద్దపల్లి పార్లమెంట్​ అభ్యర్థిగా తనను గెలిపిస్తే సింగరేణి కార్మికుల సమస్యలను పరిష్కరిస్తానని హామీ ఇచ్చారు. ఐదేళ్లలో తెరాస ఎంపీలు ఏం సాధించారో చెప్పాలని ప్రశ్నించారు. తానూ సింగరేణి బిడ్డనేనని అన్నారు. దేశ అభివృద్ధికి మోదీ మరోసారి ప్రధాని కావాల్సిన అవసరం ఉందన్నారు.

ఇదీ చదవండి :భాజపా సొంతంగా ప్రభుత్వం ఏర్పాటు చేస్తుంది