"దేశ రాజకీయ గమనాన్ని మారుస్తా: కేసీఆర్"

దేశంలో ఉన్న వనరులను సక్రమంగా వినియోగించుకుంటే ప్రపంచంలోనే భారతదేశం నంబర్​వన్​గా నిలుస్తుందని ముఖ్యమంత్రి కేసీఆర్ అన్నారు. కేంద్రంలో భాజపా, కాంగ్రెస్​ల హవా తగ్గిందని.. అధికారంలోకి వచ్చేది ప్రాంతీయ పార్టీల కూటమేనని ధీమా వ్యక్తం చేశారు. 16 ఎంపీ స్థానాల్లో తెరాసను గెలిపించాలని కోరారు.

కేంద్రంలో ప్రాంతీయ కూటమే అధికారంలోకి వస్తుందని ముఖ్యమంత్రి కేసీఆర్​ ధీమా వ్యక్తం చేశారు. పెద్దపల్లి జిల్లా గోదావరిఖని తెరాస సన్నాహక సభలో పాల్గొన్నారు. ప్రధానమంత్రి సొంత రాష్ట్రంలోనూ.. రైతులకు ఉచిత విద్యుత్​ లేదని.. తెలంగాణలో మాత్రమే ఉచిత కరెంట్​ అందిస్తున్నామన్నారు. ఉత్తర భారత్​లో సగం రాష్ట్రాలు చీకట్లోనే ఉన్నాయని ఆవేదన చెందారు. 16 మంది తెరాస ఎంపీలను గెలిపిస్తే, అన్ని రాష్ట్రాలు అభివృద్ధి చెందేలా కృషి చేస్తానని, దేశంలో గుణాత్మక మార్పు తీసుకొస్తానన్నారు.

ఇవీ చూడండి:'మెదక్​తో మెజార్టీ విషయంలో పోటీ కష్టమే'