పెద్దపల్లి జిల్లా రామగిరి మండలం బేగంపేట్లో జిల్లా పరిషత్ ఉన్నత పాఠశాల ప్రధానోపాధ్యాయురాలు లలిత లంచం తీసుకుంటుూ ఏసీబీకి చిక్కింది. గత సంవత్సరం 10వ తరగతి చదువుకున్న సుద్దాల రఘు ఫెయిలయ్యాడు. సప్లమెంటరీ పరీక్షకు హాల్ టికెట్ ఇచ్చేందుకు మొదట హెడ్మాస్టర్ నిరాకరించింది. హాల్ టికెట్ ఇవ్వాలంటే మూడు వేల రూపాయలు ఇవ్వాలని డిమాండ్ చేసింది. తండ్రికి తెలియకుండా రఘు తన తల్లి వద్ద రూ.1500 తీసుకొచ్చి ప్రధానోపాధ్యాయురాలికి ఇచ్చి హాల్ టికెట్ తీసుకున్నాడు.
టీసీ కోసం రూ. 2వేలు అడిగింది..
సప్లిమెంటరీ పరీక్షలో పాసైన రఘు టీసీ కోసం పాఠశాలకు వెళ్లాడు. ట్రాన్స్ఫర్ సర్టిఫికెట్ ఇవ్వాలంటే మళ్లీ 2వేలు ఇవ్వాలని ప్రధానోపాధ్యాయురాలు లలిత డిమాండ్ చేసింది. రెండు నెలలుగా టీసీ ఇవ్వకుండా ఇబ్బంది పెట్టింది. చేసేదేమిలేక రఘు తండ్రి కరీంనగర్లోని ఏసీబీ అధికారులను సంప్రదించారు. పక్కా ప్లాన్ ప్రకారం పాఠశాలలో హెడ్మాస్టర్కు 2వేల రూపాయలు ఇస్తుండగా ఏసీబీ అధికారులు దాడి చేసి పట్టుకున్నారు. నిందితురాలిని శుక్రవారం ఏసీబీ కోర్టులో హాజరు పరుస్తామని ఏసీబీ డీఎస్పీ భద్రయ్య తెలిపారు.
ఇదీ చూడండి: తెలంగాణ గవర్నర్ను కలిసిన సీఎం జగన్
