పెద్దపల్లి జిల్లా రామగుండం సింగరేణి ఏరియాలో ఏర్పాటు చేసిన కరోనా మెగా వ్యాక్సిన్ శిబిరాన్ని సింగరేణి డైరెక్టర్ చంద్రశేఖర్ ప్రారంభించారు. సంస్థలో పనిచేసే ప్రతీ ఉద్యోగి వ్యాక్సిన్ను తీసుకోవాలని సూచించారు. సింగరేణి వ్యాప్తంగా 18 నుంచి 60 సంవత్సరాల మధ్య వయసున్న 30 వేల మంది ఉద్యోగులకు వ్యాక్సిన్ ఇచ్చేందుకు ప్రణాళికలు రూపొందించినట్లు తెలిపారు.
రామగుండం ఏరియాలోని గోదావరిఖనిలో నాలుగు సెంటర్లలో కొవిడ్ టీకా కేంద్రాలను ఏర్పాటు చేసినట్లు చంద్రశేఖర్ వెల్లడించారు. ఈ కార్యక్రమంలో జీఎం నారాయణతో పాటు ఇతర అధికారులు పాల్గొన్నారు.
ఇదీ చదవండి: తిమింగలం మింగినా.. ప్రాణాలతో బయటపడ్డాడు!
