విద్యార్థుల్లో క్రమశిక్షణ, దేశభక్తిని పెంపొందించేందుకు స్కౌట్స్ అండ్ గైడ్స్ ఎంతగానో దోహదపడుతుందని రామగుండం ఆర్జీ-1 జీఎం నారాయణ పేర్కొన్నారు. ఈ మేరకు పెద్దపెల్లి జిల్లా గోదావరిఖని బేడెన్పావెల్ పార్క్లో ఏర్పాటు చేసిన బడెన్పావెల్ జయంతి వేడుకలకు ఆయన ముఖ్య అతిథిగా హాజరయ్యారు.
మొదటగా బడెన్ పావెల్ విగ్రహానికి పూలమాలలు వేసి నివాళులు అర్పించారు. దేశంలో స్వచ్ఛందంగా సామాజిక సేవ చేసేందుకు ఏర్పాటు చేసిన స్కౌట్స్ అండ్ గైడ్స్ను నారాయణ అభినందించారు. నిస్వార్ధంగా సేవ చేసే సైనికులను తయారు చేసేందుకు ఈ వ్యవస్థను ఏర్పాటు చేయడం గొప్ప ఆలోచన ఆయన అన్నారు.
అనంతరం స్కౌట్ విద్యార్థులతో శాంతి ప్రగతి యాత్ర ర్యాలీని జీఎం నారాయణ జెండా ఊపి ప్రారంభించారు. ఈ కార్యక్రమంలో సింగరేణి అధికారులు, వివిధ పాఠశాలల విద్యార్థులు, ఉపాధ్యాయులు పాల్గొన్నారు.
ఇదీ చూడండి : శివరాత్రి సందర్భంగా లక్ష్మీ పంపుహౌస్‌ 11 మోటర్లు ప్రారంభం
