మహారాష్ట్రలో చిక్కుకున్న తెలుగు విద్యార్థులు

తెలుగు రాష్ట్రాలకు చెందిన 20 మంది విద్యార్థులు మహారాష్ట్ర సరిహద్దులో చిక్కుకున్నారు. ఇక్కడి నుంచి స్వస్థలాలకు తీసుకెళ్లేందుకు రెండు రాష్ట్రాల అధికారులు స్పందించాలని విజ్ఞప్తి చేస్తున్నారు.

లాక్​డౌన్​తో మహారాష్ట్రలో చిక్కుకున్న తమను స్వస్థలాలకు తీసుకెళ్లాలని తెలుగు రాష్ట్రాల విద్యార్థులు విజ్ఞప్తి చేస్తున్నారు. కామారెడ్డి జిల్లా మద్నూర్​ మండలం సలాబత్​​పూర్​ సరిహద్దు వద్ద మహారాష్ట్ర దెగలూరు ఐటీఐ కళాశాలలో 20 రోజులుగా 26 మంది తెలంగాణ, ఆంధ్రప్రదేశ్​ విద్యార్థులు ఇబ్బందులు పడుతున్నారు. వీరు మహారాష్ట్రలోని ఉద్గిర్​, లాతూర్​లో వ్యవసాయ శిక్షణ పొందుతున్నారు.

మార్చి 26న వారు ఉండే ప్రాంతాల నుంచి వంద కిలోమీటర్లకు పైగా కాలిబాటన మహారాష్ట్ర, తెలంగాణ సరిహద్దుకు 28న చేరుకున్నారు. మహారాష్ట్ర పోలీసులు అడ్డుకొని ఐటీఐ కళాశాలకు తరలించారు. విషయం తెలుసుకున్న ఈనాడు-ఈటీవీ భారత్ ప్రతినిధి అక్కడికి వెళ్లి వారి ఇబ్బందులను మాట్లాడించారు. దయచేసి మమ్మల్ని స్వస్థలాలకు తీసుకెల్లాలని వేడుకున్నారు.

ఇదీ చూడండి: లాక్​డౌన్​ ఉన్నా జల్లికట్టు ఎద్దుకు ఘనంగా అంత్యక్రియలు