తెలంగాణ యూనివర్సిటీలో విద్యార్థుల ఆందోళన

వసతిగృహాల్లో సమస్యల పరిష్కారం కోరుతూ తెలంగాణ విశ్వవిద్యాలయం విద్యార్థులు నిరసనకు దిగిన నేపథ్యంలో  డిసెంబరు 4 వరకు యూనివర్శిటికీ అధికారులు సెలవులు ప్రకటించారు. దానిపై విద్యార్థులు నిరసన వ్యక్తం చేయడం వల్ల సెలవులు రద్దు చేశారు.

వసతి గృహాల్లో సౌకర్యాలు అధ్వానంగా ఉన్నాయని నిజామాబాద్​ జిల్లా డిచ్​పల్లిలోని తెలంగాణ విశ్వవిద్యాలయం విద్యార్థులు బుధవారం ఆందోళనకు దిగారు. విద్యార్థుల నిరసనపై స్పందించిన రిజిస్టర్​ యూనివర్శిటీకి డిసెంబరు 4 వరకు సెలవులు ప్రకటించారు. విద్యార్థులు తక్షణమే వసతి గృహం విడిచి వెళ్లాలని యునివర్సిటీ రిజిస్టర్​ ఉత్తర్వులు జారీ చేశారు.

రిజిస్టర్​ నిర్ణయంపై ఆగ్రహించిన విద్యార్థులు సెలవులు రద్దు చేయాలని డిమాండ్​ చేశారు. దీంతో యూనివర్సిటీకి సెలవులు రద్దు చేస్తున్నట్లు రిజిస్టర్​ ప్రకటించారు.

ఇదీ చూడండి: వసతి గృహాల్లో సమస్యలు పరిష్కరించాలని విద్యార్థుల ఆందోళన