Prashant Reddy Counter Bandi Sanjay: ఖమ్మం బీఆర్ఎస్ బహిరంగ సభపై.. బండి సంజయ్ చేసిన వ్యాఖ్యలకు.. మంత్రి ప్రశాంత్రెడ్డి కౌంటర్ ఇచ్చారు. బీఆర్ఎస్ సభ ఫెయిల్యూర్ కాలేదని.. ఆ సభ చూసి బండి సంజయ్కు బ్రెయిన్ ఫెయిల్యూర్ అయిందని ఎద్దేవా చేశారు. బండి వ్యాఖ్యలపై ఆయన ఆగ్రహం వ్యక్తం చేశారు. ఖమ్మం సభకు వచ్చిన జనాన్ని చూసి.. యూపీ మాజీ సీఎం అఖిలేష్ యాదవ్ ఇప్పటివరకు ఇంత పెద్ద సభ చూడలేదు అన్నారని గుర్తు చేశారు. నిజామాబాద్లో నిర్వహించిన ఓ కార్యక్రమంలో ఆయన ఈ వ్యాఖ్యలు చేశారు.
తన కంటికి ఎంత దూరం కనిపిస్తుందో.. అంతదూరం కంటే ఎక్కువే జనాలున్నారని అఖిలేష్ చెప్పారని మంత్రి ప్రశాంత్రెడ్డి తెలిపారు. ఈ విషయం బండి సంజయ్కు కనిపించక పోవడం దురదృష్టకరమని పేర్కొన్నారు. ఇరుకుగల్లీలో జరిగే మీ ప్రజా సంగ్రామ యాత్ర సభకు ఎంతమంది వస్తున్నారని నిలదీశారు. ముందు 8 ఏళ్లలో దేశానికి మోదీ ఏం చేశారో చెప్పాలని ప్రశ్నించారు. రైతులకు ఉచిత కరెంట్ గురించి బండి సంజయ్ మాట్లాడడం హాస్యాస్పదమని ప్రశాంత్రెడ్డి అన్నారు.
"బీఆర్ఎస్ సభ ఫెయిల్‌ కాలేదు. ఇంతపెద్ద సభ చూడలేదని అఖిలేశ్‌ యాదవ్ అన్నారు. బీఆర్ఎస్ సభ చూసి బండి సంజయ్ బ్రెయిన్ ఫెయిల్‌ అయింది. సాగుకు ఉచిత కరెంట్‌పై సంజయ్ మాట్లాడటం హాస్యాస్పదం." - ప్రశాంత్రెడ్డి, మంత్రి
అసలేం జరిగిదంటే: ఖమ్మంలో జరిగిన బీఆర్ఎస్ బహిరంగ సభపై బండి సంజయ్ విమర్శలు గుప్పించారు. నిన్న ఇండియా-న్యూజిలాండ్ మ్యాచ్ తప్ప.. బీఆర్ఎస్ సభను ఎవరూ పట్టించుకోలేదని ఆరోపించారు. సభకు వచ్చిన జనాలు, నేతలు మనస్ఫూర్తిగా పాల్గొనలేదన్నారు. ప్రజలను బెదిరించి సభను విజయవంతం చేయాలని చూశారని విమర్శించారు.కేసీఆర్ భాష, వేషం తుపాకి రాముడిలా ఉన్నాయని వ్యంగాస్త్రాలు సంధించారు. కేసీఆర్ ఒక జోకర్ అని, జోకర్ మాటలు మాట్లాడుతున్నారని ధ్వజమెత్తారు. దళితులకు కేసీఆర్ ఏం చేశారో చెప్పాలని డిమాండ్ చేశారు. ఖమ్మం సభలో కేసీఆర్ కనీసం జై తెలంగాణ అని కూడా అనలేదని.. తెలంగాణను మరచిపోయిన కేసీఆర్తో జై తెలంగాణ అనిపిస్తామని బండి సంజయ్ హెచ్చరించారు.
టీఆర్ఎస్.. బీఆర్ఎస్గా ఆవిర్భవించిన అనంతరం ఖమ్మంలో తొలిసారి నిర్వహించిన భారీ బహిరంగ సభ విజయవంతమైంది. 2024 లోక్‌సభ ఎన్నికలకు ఏడాదిన్నర ముందే తెలంగాణ ముఖ్యమంత్రి, బీఆర్ఎస్ అధినేత కేసీఆర్ శంఖారావం పూరించారు. జాతీయ నాయకుల సమక్షంలో బుధవారం నిర్వహించిన భారీ బహిరంగ సభకు మంచి స్పందన లభించింది. సభకు సీపీఎం, సీపీఐ, ఎస్పీ, ఆప్‌ పార్టీలకు చెందిన అగ్రస్థాయి నాయకులను రప్పించడం ద్వారా జాతీయ రాజకీయాల్లో కేసీఆర్ ముందడుగు వేశారు.
ఇవీ చదవండి: జనం మనసంతా క్రికెట్పైనే నిన్న కేసీఆర్ను పట్టించుకున్న నాథుడే లేడు
ఆరంభం అదిరింది.. ఖమ్మం బీఆర్ఎస్ సభ సూపర్ హిట్ అయింది
అంబానీ ఇంట పెళ్లి సందడి.. గ్రాండ్గా మెహెందీ వేడుక.. సాయంత్రం ఎంగేజ్మెంట్
