అంగన్​వాడీ కేంద్రాల్లో మౌలిక వసతులు కల్పించాలి: కలెక్టర్

నిజామాబాద్​ కలెక్టరేట్​లో జిల్లా స్థాయి పోషణ అభియాన్​ కన్వర్జెన్స్​ సమావేశం నిర్వహించారు. జిల్లాలోని ప్రతీ అంగన్​వాడీ కేంద్రంలో మౌలిక వసతులు కల్పించాలని కలెక్టర్​ నారాయణరెడ్డి అధికారులను ఆదేశించారు.

నిజామాబాద్ జిల్లాలోని ప్రతీ అంగన్​వాడీ కేంద్రంలో మౌలిక వసతులు కల్పించాలని నిజామాబాద్ కలెక్టర్ సి.నారాయణ రెడ్డి ఆదేశించారు. కలెక్టరేట్​లో జిల్లా స్థాయి పోషణ అభియాన్ కన్వర్జెన్స్ సమావేశం నిర్వహించారు. అన్ని అంగన్​వాడీ కేంద్రాల్లో 15 రోజుల్లో మంచినీటి నల్లా కనెక్షన్, మరుగు దొడ్లు విధిగా నిర్మించేలా చూడాలని సూచించారు.

అంగన్​వాడీ భవనాలు లేనిచోట పిల్లలకు అనువైన స్థలాల్లో కొత్తవి నిర్మించాలని జడ్పీ ఛైర్మన్ దాదన్నగారి విట్టల్ రావు సూచించారు. పోషణ అభియాన్ ద్వారా గర్భిణీ, బాలింతలు, పిల్లలకు పౌష్టిక ఆహారం అందించాలని కోరారు.

ఇవీ చదవండి: పూర్తి వేతనాల చెల్లింపునకు సర్కారు ఉత్తర్వులు జారీ