'కరోనా సోకిన వారు భయాందోళనకు గురికావద్దు'

నిజామాబాద్​ జిల్లా కేంద్రంలోని మాధవనగర్​ లయన్స్​ క్లబ్​ భవనంలో ఏర్పాటు చేసిన కరోనా వార్డును కలెక్టర్ నారాయణరెడ్డి పరిశీలించారు. సరైన చికిత్సతో కరోనా నుంచి బయటపడగలమని, వైరస్ బారిన పడిన వారెవరూ భయాందోళనకు గురికావొద్దని సూచించారు.

నిజామాబాద్​ జిల్లా కేంద్రంలోని మాధవనగర్​లోని లయన్స్​ క్లబ్​ భవనాన్ని కరోనా వార్డుగా మార్చేందుకు అనుమతిచ్చిన క్లబ్ ప్రతినిధులను కలెక్టర్ నారాయణరెడ్డి అభినందించారు. జడ్పీ ఛైర్మన్ విఠల్​ రావుతో కలిసి కరోనా వార్డును పరిశీలించారు.

కరోనా బారిన పడినవారెవరూ అనవసరంగా ఆందోళన చెందవద్దని, వైద్యుల సహకారంతో వ్యాధి నుంచి కోలుకోవచ్చని కలెక్టర్ నారాయణరెడ్డి అన్నారు. ఈ కార్యక్రమంలో ధర్పల్లి జడ్పీటీసీ బాజిరెడ్డి జగన్, లయన్స్ క్లబ్ ఛైర్మన్ వీరేశం, లయన్స్ క్లబ్ సభ్యులు పాల్గొన్నారు.

• ఇవీ చూడండి: మంత్రి ఔదార్యం.. తన వాహనంలో ఆస్పత్రికి క్షతగాత్రుడు