లాక్​ డౌన్ ప్రకటన.. వైన్​షాపులకు మందుబాబుల పరుగులు

రాష్ట్రంలో లాక్ డౌన్ ప్రకటన రావడంతో మందుబాబులు అప్రమత్తమయ్యారు. వైన్ షాపుల ముందు క్యూ కట్టారు. నిజామాబాద్​లో పది రోజులకు సరిపడా మద్యం తీసుకుని వెళ్తున్నారు. దీంతో దుకాాణాల వద్ద భారీగా రద్దీ పెరిగింది.

రాష్ట్రంలో రేపటి నుంచి లాక్ డౌన్ విధిస్తూ ప్రభుత్వ ప్రకటించడంతో మద్యం ప్రియులు దుకాణాల ముందు బారులు తీరారు. నిజామాబాద్ జిల్లావ్యాప్తంగా వైన్​షాపుల వద్దకు భారీగా తరలి వచ్చారు. నిర్ణయం వెలువడగానే వెంటనే దుకాణాల వద్దకు పరుగులు తీశారు.

నిజామాబాద్​లో మద్యం ప్రియులు పది రోజులకు సరిపడా మందు కొనుక్కుని వెళ్తున్నారు. నగరంతో పాటు నియోజకవర్గ, మండలం కేంద్రాల్లోని వైన్​షాపుల వద్ద రద్దీ పెరిగింది. కామారెడ్డి జిల్లాలోనూ అన్ని ప్రాంతాల్లో ఇవే దృశ్యాలు దర్శనమిస్తున్నాయి.

ఇదీ చూడండి: 'రాష్ట్రంలో ఆయుష్మాన్ భారత్‌ను అమలు చేయాలి'