రైతులకు తప్పని యూరియా తిప్పలు

రైతులకు యూరియా తిప్పలు తప్పటం లేదు. ఎరువుల కొరతతో కర్షకులు క్యూలైన్లలో ఉదయం నుంచే పడిగాపులు పడుతున్నా... చివరికి నిరాశే ఎదురవుతోంది. రైతులకు ఎదో ఒకటి నచ్చజెప్పి అధికారులు చేతులు దులుపుకుంటున్నారు.

నిజమాబాద్​ జిల్లా బాల్కొండ నియోజకవర్గంలో యూరియా కొరతతో రైతులు తీవ్ర ఇబ్బందులు ఎదుర్కొంటున్నారు. ఉదయం 5 గంటలకే వెళ్ళి వరుసలో నిలబడి పడిగాపులు పడుతున్నారు. భీంగల్​లో యూరియా కోసం రైతులు ఉదయాన్నే వచ్చినప్పటికీ... అధికారులు మాత్రం తీవ్ర జాప్యం చేశారు. అవసరమైన మేర ఎరువులు అందజేయలేకపొయారు. ఒక్కొక్కరికి ఒక్కో బస్తా చొప్పున ఇచ్చి చేతులు దులుపుకున్నారు. రైతులు ఆందోళన వ్యక్తం చేయటం వల్ల... మళ్ళీ వచ్చినపుడు ఇస్తామని రైతులకు అధికారులు నచ్చజెప్పారు. ఉదయం నుంచి పడిగాపులు పడినప్పటికీ ఎలాంటి లాభం లేకుండా పోయిందని కర్షకులు వాపోయారు.

ఇవీ చూడండి: 'సాహో' దర్శకుడి భావోద్వేగం.. ప్రభాస్​పై కామెంట్