నిజామాబాద్ జిల్లా కేంద్రంలోని కలెక్టరేట్ ఆఫీసు ఎదుట సీపీఐ (ఎంఎల్) న్యూ డెమోక్రసీ నేతలు ధర్నా నిర్వహించారు. ప్రభుత్వ, ప్రైవేటు ఆస్పత్రుల్లో కరోనా పరీక్షలు ఉచితంగా చేయాలని, పరీక్షల సంఖ్య పెంచి.. వైద్య ఖర్చులు ప్రభుత్వమే భరించాలని నాయకులు డిమాండ్ చేశారు.
లాక్డౌన్ సమయంలో కేంద్ర రాష్ట్ర ప్రభుత్వాలు ప్రజా సంక్షేమం మరచి ఖజానా ఎలా నింపాలన్న ఆలోచనకే ప్రాధాన్యత ఇస్తున్నాయని ఆరోపించారు. లాక్డౌన్లో 300 యూనిట్ల వరకు ఇళ్లు, చిన్న, మధ్య తరగతి, సూక్ష్మ తరహా పరిశ్రమలకు ఉచితంగా విద్యుత్ అందించాలని డిమాండ్ చేశారు. పెంచిన విద్యుత్ ఛార్జీలు మాఫీ చేయాలన్నారు. పెరిగిన పెట్రోల్, డీజిల్ ధరలు తగ్గించి ప్రజలపై భారం తగ్గించాలని సీపీఐ (ఎంఎల్) జిల్లా నాయకులు వనమాల కృష్ణ డిమాండ్ చేశారు.అనంతరం జిల్లా కలెక్టర్కు వినతి పత్రం సమర్పించారు.
ఇవీ చూడండి: కర్నల్ సంతోష్బాబు కుటుంబాన్ని పరామర్శించిన సీఎం కేసీఆర్
