నిజామాబాద్ స్థానిక సంస్థల ఎమ్మెల్సీ ఉప ఎన్నికలో తెరాస అభ్యర్థి కవిత ఘన విజయం సాధించారు. కౌంటింగ్ మొదటి రౌండ్లోనే కవిత భారీ ఆధిక్యం సాధించారు. తొలి రౌండ్లో తెరాసకు 531 ఓట్లు నమోదవ్వగా.. భాజపా 39, కాంగ్రెస్ 22 ఓట్లు సాధించాయి. చెల్లని ఓట్ల కింద 7 నమోదయ్యాయి. తర్వాత రెండో రౌండ్కి వచ్చేసరికి తెరాస 728, భాజపా 56, కాంగ్రెస్ 29 ఓట్లు రాగా.. 10 చెల్లకుండా పోయాయి. 672 ఓట్ల తేడాతో కవిత ఘనవిజయం సాధించింది.
నిజామాబాద్ ఎమ్మెల్సీ ఉప ఎన్నిక ఓట్ల లెక్కింపును మొత్తం ఆరు టేబుళ్లపై రెండు రౌండ్లలో కౌంటింగ్ ప్రారంభించారు. ఉదయం 8 గంటలకు లెక్కింపు ప్రారంభమైంది. ఈ ఎన్నికలో మొత్తం 824 ఓట్లకు 823 ఓట్లు నమోదయ్యాయి.
ఇదీ చదవండి: నిజామాబాద్ ఎమ్మెల్సీ ఎన్నికలో తెరాస గెలుపు తథ్యం: కేటీఆర్
