నిజామాబాద్ జిల్లా ఇందల్వాయి మండలం గన్నారం గ్రామానికి చెందిన అంకం హనుమంతు(58) హైదరాబాద్లోని ఓ ప్రైవేట్ ఆసుపత్రిలో కరోనా చికిత్స పొందుతూ శుక్రవారం మృతి చెందారు. రూ.10 లక్షల 30 వేల బిల్లు కడితేనే మృతదేహం అప్పగిస్తామని ఆసుపత్రి యాజమాన్యం చెప్పగా.. మృతుని బంధువులు బిల్లు చెల్లించారు. శనివారం రోజున మృతదేహాన్ని అంబులెన్స్లో తమ గ్రామానికి పంపిస్తామని చెప్పగా.. అంత్యక్రియలకు ఏర్పాట్లు చేశారు.
మృతదేహాన్ని అంబులెన్స్లో గన్నారం గ్రామానికి తరలించారు. అంత్యక్రియల్లో భాగంగా మృతదేహానికి నిప్పు పెడుతున్న సమయంలో ఆంబులెన్స్ డ్రైవర్ వచ్చి.. మృతదేహాలు మారాయని చెప్పగా.. అక్కడున్న వారంతా ఆశ్చర్యపోయారు. ఆసుపత్రి యాజమాన్యం నిర్లక్ష్యంపై ఆగ్రహం వ్యక్తం చేశారు. మృతదేహాల తరలింపులోనే ఇలా చేశారంటే.. చికిత్స ఎలా చేశారోనని అనుమానం వ్యక్తం చేశారు. దీనిపై సమగ్ర విచారణ జరపాలని ప్రభుత్వాన్ని డిమాండ్ చేశారు.
