నిజామాబాద్ జిల్లా ఎడపల్లి మండల తహసీల్దార్ కార్యాలయం ముందు ఏఐకెఎమ్ఎస్ ఆధ్వర్యంలో నిరసన చేపట్టారు. ఎన్నికల్లో ఇచ్చిన హామీ మేరకు రైతులకు ఒకే సారి లక్ష రూపాయల రుణమాఫీ చేయాలని డిమాండ్ చేశారు. రైతులు పండించిన పంటకు సరియైన మద్దతు ధర ప్రకటించాలని కోరారు.
సన్న రకం బియ్యానికి రూ.2,500, దొడ్డు రకం బియ్యానికి రూ. 2,400 మద్దతు ధర ప్రకటించాలని విజ్ఞప్తి చేశారు. ప్రభుత్వ ఉద్యోగికి పదవి విరమణ తర్వాత ఇచ్చే పెన్షన్లా... 50 ఏళ్లు నిండిన రైతుకు పింఛను ఇవ్వాలని డిమాండ్ చేశారు. అనంతరం ఎమ్మార్వో కార్యాలయంలో వినతిపత్రం సమర్పించారు.
