నిజామాబాద్ జిల్లా జానకంపేట్ అశోక్నగర్ చెరువులో దూకి కాలూరు గ్రామానికి చెందిన కమ్టం శ్రీనివాస్ ఆత్మహత్యకు పాల్పడ్డాడు.
ఓ సినిమా హాల్లో పనిచేస్తున్న శ్రీనివాస్కు రెండున్నర సంవత్సరాల క్రితం వివాహం జరిగింది. అప్పటి నుంచే భార్యాభర్తల మధ్య సఖ్యత కొరవడిందని పోలీసులు తెలిపారు. మనస్తాపానికి గురైన శ్రీనివాస్ గురువారం బోధన్ వెళ్తున్నానని చెప్పి బయటకు వెళ్లిపోయాడు. సాయంత్రం కావోస్తున్న కుమారుడు ఇంటికి రాకపోయేసరికి ఆందోళన చెందిన తల్లిదండ్రులు పోలీస్ స్టేషన్లో ఫిర్యాదు చేశారు. అనంతరం అశోక్నగర్ చెరువు సమీపంలో శ్రీనివాస్ బైక్ను గమనించారు. గజ ఈతగాళ్లతో చెరువులో గాలించి... మృతదేహాన్ని బయటకు తీశారు. పోస్టుమార్టం కోసం ప్రభుత్వాస్పత్రికి తరలించారు. కుటుంబ కలహాలే శ్రీనివాస్ ఆత్మహత్యకు కారణమని పోలీసులు తెలిపారు.
ఇవీ చూడండి: ఆర్మూర్లో మహిళ దారుణ హత్య
