రైతుల భూ సమస్యలు పరిష్కరించేందుకు ప్రభుత్వం కొత్త రెవెన్యూ చట్టం తీసుకురావడం హర్షణీయమని సారంగాపూర్ మండల పరిషత్ అధ్యక్షులు అట్లా మహిపాల్రెడ్డి పేర్కొన్నారు. కొత్త రెవెన్యూ చట్టం ఆమోదం పొందిన సందర్భంగా నిర్మల్ జిల్లా సారంగాపూర్ మండలం కౌట్ల(బి) గ్రామంలో సీఎం కేసీఆర్‌, మంత్రి అల్లోల ఇంద్రకరణ్రెడ్డి చిత్రపటాలకు పాలాభిషేకం చేశారు.
ప్రభుత్వం తీసుకున్న ఈ నిర్ణయం చరిత్రాత్మకమని మహిపాల్రెడ్డి పేర్కొన్నారు. ఈ నూతన చట్టంతో భూ సమస్యలన్నీ తీరుతాయని ఆశాభావం వ్యక్తం చేశారు. కార్యక్రమంలో సర్పంచ్ అట్లా యశోద-పోతారెడ్డి, రైతు సమన్వయ సమితి మండల అధ్యక్షులు మధుకర్రెడ్డి, పీఏసీఎస్ డైరెక్టర్ గోవింద్రెడ్డి, మాజీ వైస్ ఎంపీపీ నారాయణ రెడ్డి, మాజీ సర్పంచ్ శంకర్, తెరాస పార్టీ గ్రామ అధ్యక్షులు లక్ష్మణ్, పలువురు రైతులు తదితరులు పాల్గొన్నారు.
ఇవీ చూడండి: గ్రేటర్ ఎన్నికల్లో విజయం కోసం కాంగ్రెస్ వ్యూహరచన
