నిర్మల్ జిల్లాలో స్పీడ్ లేజర్ గన్ ప్రారంభం

అతివేగం వల్ల జరిగే ప్రమాదాలను అరికట్టేందుకు నిర్మల్​ జిల్లా రవాణాశాఖ అధికారులు రంగంలోకి దిగారు. ఇవాళ కడ్తాల్ వై జంక్షన్ వద్ద స్పీడ్ లేజర్ గన్​ను జిల్లా ఎస్పీ శశిధర్ రాజు ప్రారంభించారు.

జాతీయ రహదారిపై వాహన చోదకులు నిబంధనలు ఉల్లంఘిస్తే ఇకనుంచి జరిమానాలు కట్టాల్సిందేనని నిర్మల్ జిల్లా ఎస్పీ శశిధర్ రాజు స్పష్టం చేశారు. పట్టణానికి ముఖద్వారమైన కడ్తాల్ వై జంక్షన్ వద్ద స్పీడ్ లేజర్ గన్​ను ప్రారంభించారు. నేటి నుంచి జిల్లాలోని జాతీయ రహదారిపై పలుచోట్ల ఈ స్పీడ్ గన్లను అమర్చడం జరుగుతుందని వెల్లడించారు. సర్వీస్ రోడ్డు ఉన్న చోట ప్రమాదాలు ఎక్కువగా జరిగే అవకాశాలు ఉన్నందున వాహనచోదకులు వేగాన్ని తగ్గించాలని సూచించారు. లేనిచో ఈ చాలన్ ద్వారా వారికి జరిమానా వేయటం జరుగుతుందని పేర్కొన్నారు. దీనిపై ప్రజల్లో అవగాహన కలిగించేందుకు ప్రధాన కూడళ్లలో అవగాహన సదస్సు నిర్వహించడం జరుగుతుందని జిల్లా ఎస్పీ శశిధర్ రాజు వివరించారు.

ఇవీచూడండి: తెరాస సభ్యత్వ నమోదుకు 69 మంది ఇన్​ఛార్జ్​ల నియామకం