మిషన్ భగీరథ, రెండు పడక గదుల ఇళ్ల నిర్మాణాలను వేగవంతం చేయాలని, అభివృద్ధి సంక్షేమ పథకాల అమలుకు ప్రత్యేక చర్యలు తీసుకోవాలని నిర్మల్ జిల్లా కలెక్టర్ ముషారఫ్‌ అలీ, ఎమ్మెల్యే రేఖా నాయక్ అధికారులను ఆదేశించారు. నిర్మల్ జిల్లా కలెక్టరేట్లో ఖానాపూర్ నియోజకవర్గంలో చేపట్టిన మిషన్ భగీరథ, రెండు పడక గదుల ఇళ్ల నిర్మాణం, పల్లెప్రగతి, సంక్షేమ పథకాల అమలుపై నిర్వహించిన సమావేశంలో పాల్గొన్నారు.
త్వరితగతిన పూర్తి చేయాలి..
ఖానాపూర్ నియోజకవర్గంలో మిషన్ భగీరథ ద్వారా నీటిని సరఫరా చేయాలని.. అసంపూర్తిగా మిగిలిన పనులను త్వరితగతిన పూర్తి చేయాలని కలెక్టర్ ముషారఫ్‌ అలీ అధికారులకు సూచించారు. పల్లెప్రగతి, పారిశుద్ధ్య పనుల్లో నిర్లక్ష్యం వహించవద్దని పేర్కొన్నారు. గ్రామాలలో చేపట్టిన డంపింగ్ యార్డులు, స్మశాన వాటికలను వెంటనే పూర్తి చేయాలన్నారు.
పారిశుద్ధ్యానికి ప్రణాళిక..
సీజనల్ వ్యాధులు వ్యాపించకుండా ప్రత్యేక పారిశుద్ధ్య కార్యక్రమాలు నిర్వహించాలని ప్రజాప్రతినిధులకు ఎమ్మెల్యే రేఖానాయక్ సూచించారు. ఈ సమావేశంలో అదనపు కలెక్టర్ భాస్కర్రావు, మిషన్ భగీరథ ఎస్ఈ వెంకటేశ్వర్లు, నోడల్ అధికారి మురళీధర్ రావు, ఇతర శాఖల అధికారులు పాల్గొన్నారు.
ఇదీ చూడండి: కరోనాపై మీరు చేస్తున్నది సరిపోదు.. సర్కారుకు హైకోర్టు కీలక ఆదేశాలు
