నిర్మల్​లో ఘనంగా పటేల్​ జయంతి వేడుకలు

నిర్మల్​ జిల్లా కేంద్రంలో టీపీయూఎస్​ ఆధ్వర్యంలో సర్దార్​ వల్లభ్​భాయ్​ జయంతి వేడుకలను ఘనంగా నిర్వహించారు. ఈ సందర్భంగా ఆయన సేవలను గుర్తు చేసుకున్నారు.

నిర్మల్ జిల్లా కేంద్రంలో తెలంగాణ ప్రాంత ఉపాధ్యాయ సంఘం ఆధ్వర్యంలో సర్దార్ వల్లభ్​భాయ్ పటేల్ జయంతి వేడుకలను ఘనంగా నిర్వహించారు. ఈ సందర్భంగా పటేల్ చిత్ర పటానికి పూలమాలలు వేసి నివాళులర్పించారు.

563 సంస్థానాలను విలీనం చేసి.. ఐక్య భారతాన్ని నిర్మించిన ఘనత పటేల్‌కే దక్కుతుందని టీపీయూఎస్ జిల్లా అధ్యక్షులు శశిరాజ్​​ కొనియాడారు. ఈ సందర్భంగా దేశ సమగ్రతను పెంపొందించడానికి కర్తవ్యబద్ధులు కావాలని సూచించారు. కార్యక్రమంలో టీపీయూఎస్​ గౌరవ అధ్యక్షులు జి.రాజేశ్వర్, జిల్లా బాధ్యులు రాసమల్ల రాజేశ్వర్, సుధీర్, హరీష్ తదితరులు పాల్గొన్నారు.