నిర్మల్ జిల్లా కేంద్రంలోని కలెక్టరేట్ చౌరస్తా వద్ద మౌలానా అబుల్ కలాం ఆజాద్ జయంతి వేడుకలను ఘనంగా నిర్వహించారు. కలాం గునాం ఎడ్యుకేషన్ వెల్ఫేర్ సొసైటి ఆధ్వర్యంలో నిర్వహించిన ఈ కార్యక్రమానికి... మున్సిపల్ ఛైర్మన్ గండ్రత్ ఈశ్వర్ హాజరయ్యారు. ఆజాద్ చిత్రపటానికి పూలమాల వేసి నివాళులర్పించారు.
కేంద్ర విద్యాశాఖ మంత్రిగా విలువైన సేవలందించి... విద్యా వ్యవస్థలోనే విప్లవాత్మకమైన మార్పులు తెచ్చిన వక్తి ఆజాద్ అని ఈశ్వర్ కొనియాడారు. భావితరాల వారు ఆజాద్ను ఆదర్శనంగా తీసుకొని... ఆయన ఆశయాలకు అనుగుణంగా ముందుకు సాగాలన్నారు. భవిష్యత్తులో పట్టణంలో అబుల్ కలాం అజాద్ విగ్రహ ఏర్పాటుకు కృషి చేస్తామని ఈశ్వర్ తెలిపారు.
