సీఎం కేసీఆర్​ కృషితో దేవాలయాల అభివృద్ధి: ఇంద్రకరణ్ రెడ్డి

నిర్మల్​లోని చింతకుంటవాడ హనుమాన్ ఆలయ రెండో వార్షికోత్సవాలకు మంత్రి అల్లోల ఇంద్రకరణ్ రెడ్డి హాజరయ్యారు. సీఎం కేసీఆర్​ చొరవతో రాష్ట్రంలో ఆలయాల అభివృద్ధి చెందాయని పేర్కొన్నారు.

ముఖ్యమంత్రి కేసీఆర్ కృషితో తెలంగాణలో ఆలయాలకు మహర్దశ వచ్చిందని దేవాదాయశాఖ మంత్రి అల్లోల ఇంద్రకరణ్ రెడ్డి అన్నారు. నిర్మల్​లోని చింతకుంటవాడ హనుమాన్​ ఆలయ రెండో వార్షికోత్సవాలకు మంత్రి హాజరై ప్రత్యేక పూజలు చేశారు. ప్రత్యేక రాష్ట్రావతరణ అనంతరం అనేక నూతన ఆలయాలను నిర్మించినట్టు తెలిపారు.

సీఎం కేసీఆర్​ కృషితో దేవాలయాల అభివృద్ధి: ఇంద్రకరణ్ రెడ్డి

నిర్మల్ నియోజకవర్గంలో ఇప్పటికే 500 ఆలయాలు నిర్మించుకున్నామని, భవిష్యత్​లో మరిన్నింటిని అభివృద్ధి చేయనున్నట్టు మంత్రి తెలిపారు. ఆలయాలకు వెళితే... మనసుకు ప్రశాంతత లభిస్తుందన్నారు. ఈ కార్యక్రమంలో మున్సిపల్ ఛైర్మన్ ఈశ్వర్ సాయి, దీక్షా సేవా సమితి అధ్యక్షుడు లక్కడి జగన్మోహన్ రెడ్డి, కౌన్సిలర్లు అడప విజయలక్ష్మి, గండ్రత్ రమణ, తదితరులు పాల్గొన్నారు.

ఇదీ చూడండి: చంద్రగిరి ఓటర్లకు.. తిరుమల శ్రీవారి ప్రసాదం!