కుక్కల నుంచి జింకపిల్ల ప్రాణాలు కాపాడిన యువకులు

ప్రమాదంలో పడిన జింకపిల్లను ఇద్దరు యువకులు రక్షించారు. నారాయణపేట జిల్లాలోని జక్కన్నపేట, పాతర్​చేడ్​ గ్రామాల శివారులో కుక్కల బారి నుంచి జింకపిల్లను కాపాడి పోలీసులకు అప్పగించారు.

నారాయణపేట జిల్లా నర్వ మండలంలోని జక్కన్నపల్లి, పాతర్​చేడ్​ గ్రామాల శివారులోని ఓ ప్రాంతంలో జింక పిల్లను కుక్కలు వెంటాడుతుంటే జక్కన్నపల్లి గ్రామానికి చెందిన యువకులు రమేష్, నాగేశ్వర్ రెడ్డిలు కాపాడారు. కుక్కలను తరిమి జింక పిల్లను కాపాడి నర్వ పోలీస్ స్టేషన్​లో అప్పగించారు.

నర్వ పోలీసు అధికారులు జింకపిల్లకు పశు వైద్యులతో చికిత్స చేయించి అటవీ శాఖ అధికారులకు అప్పగించారు. ఈ కార్యక్రమంలో నర్వ ఎస్సై నవీద్ , హెడ్ కానిస్టేబుల్ మనోహర్, కానిస్టేబుళ్లు రాజేశ్వర్ రెడ్డి, ఆనంద్, అనిత, రహమతుల్లా, అటవీశాఖ అధికారులు నవీన్, రాజులు పాల్గొన్నారు.

ఇవీ చూడండి: ఉస్మానియాలోకి వర్షపు నీరు.. ఆందోళనలో రోగులు, వైద్యులు