కిరోసిన్​ పోసుకొని ఇంటర్​ విద్యార్థిని ఆత్మహత్య

నారాయణపేట జిల్లాలో ఇంటర్​ విద్యార్థిని ఆత్మహత్య చేసుకొంది. ఇంటర్​ ఫలితాల్లో ఒక సబ్జెక్టులో ఉత్తీర్ణత సాధించకపోవడం వల్ల మనస్తాపానికి గురై కిరోసిన్​ పోసుకొని బలవన్మరణానికి పాల్పడింది.

ఇంటర్​ ఫలితాలల్లో అవకతవకలు మరో నిండు ప్రాణాన్ని బలి తీసుకున్నాయి. నారాయణపేట జిల్లా కొండపల్లికి చెందిన ఇంటర్​ విద్యార్థిని శిరీష ఆత్మహత్య చేసుకుంది. ఇటీవల విడుదలైన ఇంటర్​ ఫలితాల్లో ఒక సబ్జెక్టులో ఉత్తీర్ణత సాధించలేదు. అప్పటి నుంచి తీవ్ర మనస్తాపాంలో ఉన్న శిరీష.. ఇవాళ ఇంట్లో కిరోసిన్​ పోసుకొని ఆత్మహత్యకు పాల్పడింది. మంటల వేడికి తట్టుకోలేక ఇంటిపై నుంచి దూకి మృతి చెందింది. విద్యార్థిని మృతితో కొండపల్లి గ్రామంలో విషాదఛాయలు అలముకున్నాయి. సమాచారం అందుకున్న పోలీసులు మృతదేహాన్ని నారాయణపేట జిల్లా ఆస్పత్రికి తరలించారు.

ఇవీ చూడండి: ఇంటర్ తప్పులకు ఇద్దరూ బాధ్యులే: త్రిసభ్య కమిటీ