పారిశుద్ధ్య కార్మికులకు నిత్యావసరాల పంపిణీ

మక్తల్​ పట్టణ కేంద్రంలోని మున్సిపల్​ కార్యాలయ ఆవరణలో పారిశుద్ధ్య కార్మికులకు, నిరుపేదలకు భాజపా ఆధ్వర్యంలో నిత్యావసరాలు పంపిణీ చేశారు. లాక్​డౌన్ పూర్తయ్యే వరకూ ఈ కార్యక్రమం కొనసాగుతుందని భాజపా రాష్ట్ర మహా సంపర్క్ అభియాన్ చైర్మన్ కొండయ్య తెలిపారు.

నారాయణపేట జిల్లా మక్తల్ పట్టణ కేంద్రంలో విధులు నిర్వహిస్తున్న పారిశుద్ధ్య కార్మికులకు, నిరుపేద కుటుంబాలకు భారతీయ జనతా పార్టీ ఆధ్వర్యంలో నిత్యావసర సరుకులు పంపిణీ చేశారు. లాక్​డౌన్​ కారణంగా ఉపాధి లేక ఇబ్బంది పడుతున్న నిరుపేదలకు, పారిశుద్ధ్య కార్మికులకు 5 కిలోల చొప్పున బియ్యం, సరుకులు, కూరగాయలు పంపిణీ చేశారు.

నేటి నుంచి లాక్​డౌన్ పూర్తయ్యే వరకూ ఈ కార్యక్రమం కొనసాగుతుందని భాజపా రాష్ట్ర మహా సంపర్క్ అభియాన్ ఛైర్మన్ కొండయ్య తెలిపారు.

ఇవీ చూడండి: కరోనాతో... ఆ తర్వాత ఇబ్బందే..!