ఫ్యాన్లు లేక విలవిల్లాడుతున్న తల్లులు
నారాయణపేట జిల్లా మక్తల్ పట్టణ కేంద్రంలో ప్రభుత్వ ఆసుపత్రిలోని గర్భిణీ స్త్రీలు, బాలింతలు, ముక్కుపచ్చలారని చిన్నారులు ఉక్కపోతతో విలవిల్లాడుతున్నారు. మాతా శిశు కేంద్రంలో నెలరోజులుగా ఫ్యాన్లు మరమ్మతు చేయకపోవడం వల్ల ఉక్కిరిబిక్కిరి అవుతున్నారు. కొందరు ఇళ్ల నుంచి ఫ్యాన్లు తెచ్చుకొని మంచాల పక్కన ఏర్పాటు చేసుకున్నారు. మరికొందరు తల్లులు విసనకర్రతో ఇబ్బందులు పడుతున్నారు. అప్పుడే ఈ లోకంలోకి అడుగుపెట్టిన చిన్నారుల పరిస్థితి మరీ దయనీయంగా ఉందని బంధువులు ఆవేదన వ్యక్తం చేశారు. రోజురోజుకు పెరుగుతున్న వేడి దృష్ట్యా ఫ్యాన్లు ఏర్పాటు చేయాలని కోరుతున్నారు.
ఇవీ చూడండి: ఆమె భేషరతుగా క్షమాపణలు చెప్పాలి: కేటీఆర్
