నారాయణపేట జిల్లా మక్తల్ మండలం ఉప్పర్‌పల్లిలో తెల్లవారుజామున మూడు జంటలు ఏకమయ్యాయి. ప్రపంచాన్ని గడగడలాడిస్తున్న కరోనా మహమ్మారికి అడ్డుకట్ట వేసేందుకు భారత్‌ కదం తొక్కింది. ప్రభుత్వం తీసుకున్న జనతా కర్ఫ్యూ నిర్ణయాన్ని గౌరవిస్తూ నిర్ణయించిన ముహూర్తానికన్నా ముందే తాళి కట్టారు.
గ్రామంలోని ఆంజనేయస్వామి ఆలయంలో వివాహ తంతు నిర్వహించారు. అక్కడ కూడా ఎలాంటి ఇబ్బంది కలగకుండా నాలుగున్నరకు, ఐదున్నరకు, 5 గంటల 55 నిమిషాలకు మూడు జంటలకు పెళ్లి జరిపించారు. చట్టాన్ని గౌరవించి ఉదయం 6 గంటల లోపే వివాహం చేసుకున్నందుకు స్థానికులు అభినందించారు.
