'కలెక్టర్ గారు ట్యాంకర్ల ద్వారా నీటిని అందించండి'

నారాయణపేట జిల్లాలోని పలు గ్రామాలకు తాగు నీరు రావట్లేదని వివిధ గ్రామాల సర్పంచ్​లు జిల్లా కలెక్టర్​కు ఫిర్యాదు చేశారు. ట్యాంకర్ల ద్వారా నీటిని అందించేందుకు ఏర్పాట్లు చేయాలని కోరారు.

నారాయణపేట జిల్లా కలెక్టర్ ఎస్.వెంకటరావు ప్రజావాణి కార్యక్రమం నిర్వహించారు. వేసవిలో తాము ఎదుర్కొంటున్న సమస్యలపై ఫిర్యాదు చేశారు. వివిధ గ్రామాలకు చెందిన సర్పంచ్​లు, మిషన్ భగీరథ కింద కోటకొండ, పేరపళ్ల, ఊటకుంట గ్రామాల్లో తాగు నీరు రావట్లేదని గ్రామస్థులు ఆవేదన వ్యక్తం చేశారు. ప్రత్యామ్నాయంగా ట్యాంకర్ల ద్వారా నీటిని అందించేందుకు అనుమతించాలని కలెక్టర్​ను కోరారు. సింగారం గ్రామస్థులు తమ గ్రామంలో నివాసం లేని 160 మంది పేర్లు ఓటరు లిస్టులో ఉన్నందున వాటిని తొలగించాలని కోరారు.

ఇవీ చూడండి : యాగాలు చేస్తే బంగారు తెలంగాణ సాధ్యం కాదు